Russian Army commando-te AK-12 hman tur pe dawn

Russian Army commando-te hman tur AK-12 assault Kalashnikov rifle 1,12,500 chu he silai design-tu leh siamchhuaktu Kalashnikov Group chuan an pek tur thu an puang.

Kalashnikov Group AK-12 bakah hian AK-15 pawh an pek tur thu an sawi. Russia-a Krasnodar Region-ah chuan AK-12 rifle 700 chu an hman tur atan pek a lo ni tawh a, anni bial bakah hian sipai unit ṭhenkhatte chuan nikum December thla khan an dawng nual tawh a ni. Russia Central Military District-ah pawh kumin July thla khan AK-12 8,000 pek an ni.

AK-12 rifle hi kg 3.3 a rit a ni a, he silai sei zawng hi 945 mm a ni. A barrel hi 415 mm a ni bawk. A kah thui zawng erawh metre 800 thleng a ni a, a target hi metre 500-600 a ni thung.