China-in satellite TV project Cameroon hnenah hlan

China chuan Ningani khan Cameroon thingtlang khuate tana a siam satellite television project a hlan.

Chinese Ambassador to Cameroon Wang Yingwu chuan Cameroon khawpui Yaounde-ah satellite TV project hlanna hi neiin, he project hnuaiah hian Cameroon thingtlang khuaa awm chhungkaw 300-te chuan satellite television program, image quality ṭha tak chu an ne thei dawn tih a sawi. 

China hian September thla aṭang khan Cameroon tana satellite TV project hi a kalpui ṭan a, heihi China leh Cameroon-in inlaichinna ṭha an neih tihchak zelna tur a nih thu Cameroon Ministry of Communication secretary general Felix Zogo chuan a sawi bawk.

"He project hlawhtlinna hi kan ram pahnihte ṭha taka kan thawhdunna vang a ni," a ti. Satellite TV project hi 2015-a Johannesburg Summit of the Forum on China-Africa Cooperation-a thawhdunna tur project an siam zinga mi niin, China sorkar hian Africa thlingtlang khua 10,000-ah satellite television pek a remti a ni.