Israel indo thlawhtheih-naten Gaza an bei leh

Israel indo thlawhtheihnate chuan nimin zingah khan Gaza-a Palestinian Islamic Jihad (PIJ)-te an bei leh.

Israel leh Gaza hian Ningani khan ni hnih chhung nasa taka an inkah hnuah inkahhai an puang a, mahse PIJ-te hian Ningani chawhnu khan Gaza Strip aṭang hian rocket eng emaw zatin Israel hi an kap leh a ni. Hemi chhanlet nan hian Israel chuan nimin zing khan Gaza hi beiin, Gaza Strip-a al-Quds Brigade-te hmun an bei a, thi leh hliam erawh report a awm lo thung.

Israel sipai thupuangtu chuan thuchhuah a siamah Gaza Strip-a PIJ firfiakte hmun hi thlawhtheihna hmangin an bei tih a sawi. Thawhlehni khan Islamic Jihad Baha Abu al-Atta Israel-in an thah chhanlet nan Gaza aṭang hian rocket 190 vel zet hmangin Israel hi kah a ni a, hemi hnu hian nasa taka inbei zuiin thi leh hliam pawh eng emaw zat an awm.