UK-ah mi mtd 4-in Covid-19 vaccine an dawng tawh

United Kingdom-ah chuan sorkar data aṭanga a lan danin min maktaduai li chuangin coronavirus vaccine dose hmasa ber an dawng tawh.

Kum 70 chin chung lam leh nunna 'clinically extremely vulnerable' te hnenah vaccine hi pek hmasak a ni. Hetihlai lai hian Health Secretary Matt Hancock chuan UK data aṭanga a lan dan chuan Covid-19 vanga damdawi-ina awm an tam hunlai ber a nih thu sawiin, vaccine sem mek mah se mipuite chu fimkhur hle tura chahin inkharkhip dante zawm turin a ngen a ni.

Downing Street briefing-a thu a sawinaah Hancock chuan an rama kum 80 chin chunglam leh kum upa enkawlna ina awm zatve aia tam chu damdawi pek an ni tawh tih a sawi.