Navalny-a'n nawrh huaihawt turin amah thlawptute fuih

Russia eptu hruaitu, Pathiannia Germany aṭanga Russia a haw thlen veleha police-ten an lo man, Alexei Navalny chuan amah thlawtpute chu nawrh hauihawt a, sorkar laka lungawi lohna lantir turin a fuih. Presecutor-te ngenna angin court chuan Navalny hi ni 30, February 15 thleng hren a remtih sak a, Moscow-a Matrosskaya Tishina tan-inah dah a ni. 

Kum 44 mi, President Vladimir Putin leh a kaihhruai sorkar langsar taka sawisel ngamtu, Navalny hi Pathianni khan Moscow a thlenin airport-ah man nghal a ni a, khaw­thlang ram hrang hrangte chuan demin, chhuah tura an phut thu an sawi. 

Navalny team hian man a nih hnu lawkah amah thlawptute tana Navalny-a'n video footage a siam chu tlangzarhin, "Ngawi rengin dawh tawh suh u. Kawtthlerah chhuak ula, ka tan ni lo, in tan zawk bei rawh u" tiin a chah a ni. Inrinni hian Navalny thlawptute hian ram chhung hmun hrang hrangah nawrh huaihawt hi an tum nghal nia sawi a ni.