Kum upa zawkten fake news thehdarh nasa zawk

New York University (NYU) leh Princeton University researcher-ten zirchianna an neihah, thu dik tawk lo, fake news chu ṭhalaite aiin kum upa zawk, kum 65 chunglamten an thehdarh nasa zawk niin an tarlang. 

NYU-a professor Joshua Tucker chuan fake news thehdarhtu tak hi hriatchian a har thei hle tih a sawi a, mahse zirchianna hrang hrang an neihah fake news site link thehdarh zinga 3% chauh chu ṭhalai kum 18-29-te thehdarh a nih laiin, kum 65 chunglam thehdarh chu  11% a tling niin a sawi.