US-in Syria aṭangin sipai hmanrua lachhuak ṭan

US President Donald Trump-an Syria-a America sipai awmte lakchhuah vek an nih tur thu a sawi hnuah, sipaite hmanrua ṭhenkhat chu lakchhuah ṭan a ni ta. 

Nimin khan sipaite hmanrua hi lakchhuah ṭan a nih thu official chuan a sawi a, mahse eng tak nge lakchhuah hmasak tih erawh a sawilang lo a, thlawhtheihna nge motor hmanga lakchhuah tih pawh a tarlang lo a ni. 

President Trump hian Syria-a Islamic State (IS) firfiakte lakah hnehna an chang tawh nia sawiin America sipaite hi lak chhuah vek an ni tawh dawn tih a sawi a, mahse hei hi ram hrang hrang leh US official eng emaw zatin an thlawp lo thung. 

Pathianni khan White House National Security Adviser John Bolton chuan Syria-a America sipai dahte chu IS firfiakte an vaia hneh vek an nih hma chuan an la awm chhunzawm zel tih a sawi a, Turkey pawhin US thawhpuitu Kurdish force-te chu a beih loh tur thu a sawi bawk a ni.