Sri Lanka President lalut

Sri Lanka President atan thlan thar, wartime defence secretary hlui Gotabaya Rajapaksa chu nimin khan rinawmna thu tiamtirin lakluh a ni. 

President inthlan result hi Pathianni khan puan a ni a, kum 70 mi Rajapaksa hian amah hnaih bertu, rorel­­lai candidate United Natio­nal Party (UNP) candidate Sajith Prema­dasa kum 52 mi chu vote nuai 13 chuangin a hneh. Rajaspaksa hian Mai­thripala Sena a thlak a ni. 

Rajapaksa hi Aru­nadhapura-a Ruwanweli Seya Buddish temple-ah  Chief Justice Jayantha Jayasuriaya chuan rinawmna thu a tiamtir a ni. Lakluh a nih hnu hian  Jaya Sri Maha Bodhi-ah ṭawngṭaina hun a hmang zui bawk. President thar chuan an ram security chu a ngaih pawimawh ber tur thu sawiin, foreign policy thar pawh a siam dawn tih a sawi bawk. Gotabaya Rajapaksa hi president hlui Mahinda Rajapaksa nau a ni a, an unau hian Sinhalese leh Buddish lakah an tla na hle. Lieutenant colonel hlui, Rajapaksa hi security arms duan thar a, intelligence cell leh surveillance network-te tuai thar leh a tiam a ni.