Pope in chennain neilote tan chaw chhun buatsaih

Kum 2017 aṭanga kumtina Roman Catholic-in an hman ṭhin "World Day of the Poor" chu Pathianni khan hman a ni a, hetah hian Pope Francis chuan chenna in neilo mi 1,500-te tan chaw chhun a buatsaih sak. 

"World Day of the Poor" hi Vatican-a Saint Peter's Basilica-ah hman a ni a, audience hall-ah chaw ei dawhkan 150-ah chaw eina hi buatsaih a ni. Lasagne, arsa, pa, alu, thei, sweet, coffee leh thil dang ei turte siam a ni. St. Peter's Square-ah kar kal ta khan mi harsa zawkte tan mobile clinic siamin, a thlawna in entirna buatsaih a ni a, a hlawhtling thawkhat hle a ni. Kum 2016 khan Pope Francis chuan "World Day of the Poor" hi kum 2017 aṭanga hman turin thutlukna a siam a ni.