China-in Australian politician pahnih an rama luh khap

China chuan Australian politician pahnih, Andrew Hastie leh James Peterson-te chu China an sawisel avangin an rama zin a phal lo. 

Hastie leh Paterson-te hi thla thar hian China-ah study tour-a kal tur an ni a, mahse Chian sorkar chuan visa an dilna chu a hnawlsak a ni. Chinese embassy chuan China chungchang an sawiselna an sut a, an inchhir thu an sawi a nih loh chuan China rama an zin phalsak an ni dawn lo tih a sawi. 

Mahse Hastie leh Paterson-te hian an thusawi hi sut an tum lo tih an sawi ve thung. West Australia-a Canning MP, Andrew Hastie chuan China-in visa an dilna a hnawlsak chu pawi a tih thu a sawi rualin, mak erawh an ti vak lo tih a sawi. Senator James cnena chuan an thu­sawi tawh chung­­chang an sut dawn lo tih sawiin, Australia ram zahawmna, thuneihna leh mipui aw chhuah thei lo te tana an dinsakna chu an inchhir ngai dawn lo tih a sawi. Paterson pawhin inchhirna a neih loh thu sawiin, Australia mipuite tana ding tura thlan a nih angin a ding tlang zel dawn tih a sawi.  

Conservative politi­cian pa­hnihte hian China hi an sawisel fo a, human rights record leh Australia politics-a inrawlhahte puhin an lo sel fo tawh a ni. China-a study tour nei tura kal tur, politician dang Labor MP Matt Keogh erawh chu visa a dilna hi hnawlsak a ni ve lo. 

Australia politics-ah China hi inrawlha puhna a awm fo a, politician ṭhenkhat chuan China hian sum leh ṭanpuina hmangin Autralia politics-ah thunun a tum niin an puh. Hetihlai hian mi ṭhen­khat erawh chuan hei hi pawm loin, mipuite rilruah hlauhna tuh a, Australia leh China inlaichinna tihchhiat tumnaah an ngai ve thung.