Gas put vangin mi pali an thi

Pakistan-a Karachi khuaa lawng chawlhna hmuna thlai dahkhawmna bawm aṭangin mihring tana hlauhawm thei gas a put a vangin, mi 4 an thi a, an ni bakah hian mi 15 chu damdawi-ina dahluh an ni bawk.

Karachi a lawng chawlhna hmun aṭang hian thlai dahkhawmna bawm chu Pathianni zan khan lawng aṭanga lak chhuah a ni a, Jackson market-a thawkte chuan he thlai dahkhawmna bawm an hawn hian a chhung 

aṭangin mihring tana hlauhawm gas a rawn chhuak nia sawi a ni. He gas rawn chhuahna bul hnaia awmte chu an thawk lamah leh an chhia leh ṭha hriatna lamah harsatna an neih thu DIG Sharjeel Kharal chuan tarlangin, a rang thei ang bera private hospital pan pui nghal an nih thu leh, chung zinga mi palite chu an thih bakah, midang 15-te chu damdawi-ina enkawl zui an nih thu Kharal chuan a sawi.