Inenkawl turin Nawaz Sharif-a'n Pakistan chhuahsan

Pakistan prime minister hlui Nawaz Sharif chu nimin khan court-in phalna a pek hnuah, London-ah inenkhawl turin Pakistan-a chhuahsan.

Kar li chhung London-a a cham hi phalsak a ni a, special plane-in nimin khan Lahore aṭangin London a pan a ni. Sharif hi atanna Jail aṭangin a hriselna ṭhat tawk loh avangin, damdawi-inah October 22 khan dahlut a ni a, kar riat chhung inenkawl tur hian hun pek a ni.  

Pakistan sorkar chuan a zinchhuah theih nan Exit Control List (ECL) aṭangin Sharif hming hi paih a, hemi rual hian intiamna siam a, Pakistan pawisa cheng vaibelchhe 700 hu dahkham turin a phut thung. Hei hi Sharif chuan a hnawl a, Lahore High Court chuan Inrinni khan Pakistan sorkar hnenah Sharif hi thu delh­kilh engmah awm loa ECL aṭanga a hming paih turin a hriattir.