Japan PM ni rei ber Shinzo Abe

Japan prime minister Shinzo Abe chu nimin khan PM dinhmun a chelh ni 2,887-na a ni a, Japan PM ni rei thei ber record a siam. 

Shinzo Abe hian Taro Katsura-an PM dinhmun chelh rei ber record a lo siam tawh chu a rawn khum a ni. Katsura hi kum 1901-1913 chhung khan ṭum thum PM a lo ni tawh a ni. Kum 65 mi, Abe hi Group of Seven hruaitu zingah ram hruaitu ni rei thei ber pahniha a ni bawk a, kum 2005 aṭanga Germany Chan­cellor dinhmun chelhtu, Angela Merkel chauh a phak lo a ni. 

Abe hi kum 2006-a kum 52 mi nia Japan PM a nih khan he dinhmun chelh thei naupang ber a ni. Mahse a kum leh lawkah hmingchhiatna a neih avang leh, a hriselna ṭhat tawk loh chhuanlamin a bang nghal a ni. Kum 2012 khan PM rawn ni lehin, Japan economy chu chak zawka hmasawnpui a tiam a ni. An ram birth rate siamṭhatna turin rua­hmanna a siam a, pre-school te pawh a thuam ṭha a ni. US nena an inlaichinna pawh siamṭhain, an thawh­dunna pawh a tichak zui bawk.