Bawm chhungah Britain pan tum mi 25-te hmuchhuak

Netherlands aṭanga Britain pana kal lawngin bungrua a phurh tur, refrigerated container-ah pem tum mi 25 lo biru chu lawnga thawkten an hmuhchhuak.

Refrigerated container chhunga an hmuhchhuah, pem tum mi 25-te hi an hriselna ṭhat tawk leh tawk loh en nghal niin, mi pahnih chu damdawiin lam panpui zui an ni. Britain-ah hian hmanni lawk khan refrigerated truck-ah Vietnamese 39 thia chhar an ni tawh bawk a, thite hi Europe-a pem tum nia sawi a ni bawk.

Pem tum mi 25-te hi thi an awm loh thu thuneitu lam chuan an sawi. An zinga mi 23-te chu medical check-up an neih zawh hnuah police kut a hlan a ni. He refrigerated container phurtu truck driver hi man nghal a ni bawk.