Trump-a'n Somalia-a America sipaite a chhuahtir dawn

US President Donald Trump chuan Somalia rama America sipai awm mek zinga a tam zawk lakchhuahna tur thupek a tichhuak. 

Pentagon chuan President thupek siam chungchang hi kimchangin tarlang lo mah se, President thu angin Somalia rama sipai tam zawk chu kum 2021 kumtirah lakchhuah an ni dawn tih a sawi a ni. 

Somalia ramah hian US sipai 700 vel an awm mek a, heng sipaite hian al-Qaida firfiak pawl thurualpui, al-Shabab pawl beih letna kawngah Somalia sipaite chu training pe in, an pui ṭhin a ni. Acting secretary of defence, Christopher Miller chuan kar liam ta khan Somalia hi tlawhin, US sipai awmte hi a kawm a ni. 

President Trump hian tun hnaiah Afghanistan leh Iraq-a US sipai awmte tihtlemna tur  thupek a lo tichhuak tawh bawk.

Hetih lai hian US President thar tur, Joe Biden chuan office a luah  hunah ram danga an sipaite lakchhuah tur chungchanga President Trump thupek lo tihchhuah tawh hi a sut leh maithei nia sawi a ni.