Walmart dawr lakah thubuai ziak lut
August thlaa Texas, US-a EL Paso khuaa mi pakhatin assault rifle hmanga mi 22 a kahhlum chungchangah, American multinational retail company 'Walmart' lakah thubuai ziahluh a nih thu Mexico sorkar chuan a sawi.
He thubuai thehluh chhan hi Walmart hian an mawhphurna leh an tih tur an tih loh vang a nih thu, thi chhungte leh he inkahnaa dam khawchhuakte chuan an thubuai thehluh ah an tarlang. Thuneitute chuan pawihkhawihna thlenna hmun hi Mexico border checkpoint aṭanga kilometre riat vela hla, Cielo Vista Mall bula Watmart dawr kawtah a nih thu an sawi. Pawikhawihtu Texas a mi, Patrick Crusius (21) hi man nghal a nih thu sawi langin, tualthattu hi dam chhunga tang tura tih ni lo mah se, thi tura hrem turin lungawilote chuan an phut.
Police-te chuan inpawngkahna thlen lai hi Walmart dawr lun lai tak a ni a, mi 3,000 vel zet an awm tih an sawi. EL Paso-a Watmart dawr hian September thla khan silaimu leh military-style rifles-te chu an zawrh tawh dawn loh thu an puang a, heng bakah hian an dawr chhungah silai lam thil ken luh an phal loh thu an tarlang bawk.