China-in Myanmar hnenah ṭanpuina pe

China chuan Myanmar hmar lama awm, Kachin state hnenah hriselna leh zirna lama hmasawnna an neih theihna turin ṭanpuina a pe.

Kachin state khawpui Myitkyina-a tual­chhung organization-te hnenah Myan­mar-a Chinese Embassy chuan ṭanpuina bungrua leh hmanruate hi Nilaini khan a hlan a ni. Chinese Ambassador Chen Hai chuan thilpek hlanna inkhawmah hian thu sawiin mihring mamawh phuhrukna pek chu China-Myanmar Economic Corridor-a an thawhdunna kawng khat a nih thu sawiin, China-in ṭanpuina a pek chu Kachin state-te chuan an hlawkpui ngei a beisei tih a sawi.

Myanmar chu an ṭanpui chhunzawm zel dawn tih sawiin, remna leh muanna tluantling a awm theihna tura an thawhho zel tur thu a sawi a ni. China hian Kachin state-a General Hospital, Heath and Treatment Department leh Free Medical Treatment Foundation-te hnenah ṭanpuina hi a hlan a ni.