Sri Lanka PM atan Mahinda Rajapaksa lalut

Sri Lanka President thar Gotabhaya Rajapaksa chuan a u, Mahinda Rajapaksa chu prime minister atana ruatin, nimin khan PM thar hi rinawmna thu tiamtirin laklut nghal a ni. 

President atana Gota­bhaya Rajapaksa lakluh a nih hnuah Ranil Wick­remesinghe chu prime minister a nihna aṭangin a bang a, hemi hnu hian Gotabhaya hian a u hi prime minister atan a ruat zui a ni.  Mahinda Rajapaksa hian nakkum August thlaa inthlanpui an neih hma chu prime minister dinhmun hi a chelh ang. 

Gotabhaya hian November 16-a president thlannaah khan Wickremesinghe-a deputy, Sajith Premadasa a hneh a ni. Kum 74 mi, Mahinda Rajapaksa hi kum 2005-2015 chhung khan Sri Lanka president a lo ni tawh a, Sri Lanka president dinhmun chelh rei thei ber a ni. Kum 2018 khan hun rei vak lo chu prime  minister a lo ni tawh bawk.