Thailand lal thlawptuten political party thar din

Thailand ram lal leh lal rorelna thlawptute chuan nimin khan an lal, King Maha Vajiralongkorn venhimna turin political party thar, Thai Pakdee (Loyal Thai) an din. 

Thailand-ah hian lal rorelna duh lo leh, lal thuneihna tihnep duhin hun rei tak ṭhalaite chuan nawrh an lo huaihawt tawh a ni. Hemi do letna atan hian lal thlawptu lam hian political party thar hi an rawn din a ni. Veteran politician Warong Dechgitvigrom chuan party thar hi a kaihruai dawn a, an ram lal paihthlak tuma hmalatute chu an do let zel dawn tih an sawi. Lal rorelna humhim turin an bei zel dawn tih a sawi nghal bawk. An party chu mimal emaw, sumdawng pawl emaw thlawpnaa din ani lo a, mipui party a nih thu a sawi.

Eptu party, Move Foreward leh an thu­rualpui, Progressive Movememt group-te chu an elpui ber turte an ni dawn tih Warong chuan a sawi. Party thar an din thu hi election commission hnenah pawh an hriattir tawh a, hruaitu thar turte pawn an ruat thuai dawn tih a sawi bawk.