Mask vuah lo hrem nan push-up vawi 50 tih tir

Indonesia-a Bali island-ah chuan Covid-19 hri leng vanga pawn chhuahnaah hmaituamna, face mask vuah ngei ngei tura tih a ni. 

He thupek hi tualchhung mite chuan an zawm ṭha thawkhat a, hetihlai hian khua a lum bawk avangin ram dang mi khualzin zingah mask vuah lo an awm fo. Hei vang hian thuneitute chuan pawn chhuahna mask vuah lo, ram dang khualzinte chu an ram pawisa, rupiah 1,00,000 an chawitir a, pawisa  nei lo chu push-up vawi 50 an tihtir thung. 

Security official Gusti Agung Ketut Syryanegara chuan ram dang mi zingah face mask vuah lo hi 100 chuang zet man an ni tawh tih a sawi. Face mask vuah lo/keng lo te chu push-up vawi 50 tih tir an ni a; mask vuah tho,mahse a dan dik taka vuah lote chu push-up vawi 15 tih tir an ni thung.