Pakistan Chief of Joint Staff thar Sahir Shamshad Mirza

Pakistan Army chuan Thawhṭanni khan Lt General Sahir Shamshad Mirza chu Chief of Joint Staff thar atan ruat a nih thu leh, Major General pahnih Ali Amir Awan leh Muhammad Saeed-te chu Lt General a hlan kai an nih thu thuchhuah an siam.

Awan hi Inspector General Communications & Information Techno­logy (IG C&IT)-ah ruat a ni a, Saeed erawh National Defence University presi­dent atan ruat a ni. Anni bakah hian Lt General Muhammad Amir chu Adjutant Ge­ne­ral atan ruat a ni a, Lt General Nadeem Zaki Manj chu Director-General of Strategic Plans Division Force, Lt General Shaheen Ma­zhar Mehmood chu Co­mmander of Mangla Corps leh Lt General Nau­man Mahmood pawh Commander of Peshawar Corps-ahte ruat an ni.

Pakistan Joint Chiefs of Staff Committee chair­man General Zubair Mah­mood Hayat chu tunkar hian a retire dawn a, amah thlaktu tur atan hian November 21 khan prime minister Imran Khan chuan Lt Gen Nadeem Raza chu a ruat. Novem­ber 27 aṭangin he chair­man nihna hi a chelh ang.

Chief of Army Staff nilai General Qamar Javed Bajwa chu tunkar hian a retire a hun tawh a, mahse kum thum chhung atan Khan chuan a hna hi a pawhsei sak.