Mexico-a ruihhlo tawlhru ṭhinte US-in firfiakah a puang dawn

United States President Donald Trump chuan Mexico-a drug tawlhru ṭhinte chu US-in firfiakah a puan tur thu a sawi. 

American journalist Bill O'Reilly-a'n a kawmnaah Presi­dent Trump chuan hei hi sawiin, firfiaka puan an nih theih nan hian ni 90 chhung hma an lak thu leh, thil awlai a nih loh thu a sawi bawk. November 4-a Mexico a ruih­hlo tawlhru pawlten American Mormon hnam, hmeichhe pathum leh naupang paruk rawng taka an kahhlum hnuah, US president Donald Trump chuan Mexico ram chu ruihhlo tawlhru ṭhinte a beih letna kawngah puih a hreh loh thu a lo sawi tawh a ni. 

Mahse Mexico foreign mi­nister chuan "Kan ramah hian keimahni thuneihna leh inrel­bawlna kalh zawnga ramdangte inrawlh kan remti lo a ni." tiin Trump chu a chang let.