NKorea-in Missile pahnih kap chhuak

South Korea's Joint Chiefs of Staff (JCS) chuan nimin khan North Korea-in khawchhak tuipuiah missile pahnih an kapchhuak leh tih an sawi.

JCS chuan nimin khan thuchhuah siamin missile pahnih hi NKorea South Ham­gyong eastern province aṭanga kahchhuah niin an ram huna tlai dar 4.59 velah khan an kahchhuah thu an tarlang. Eng missile nge a nih an hriat loh thu an tarlang bawk.

South Korea sipaite hian NKorea chet dan hi uluk takin an thlithlai reng a, missile an enchhin apiang hian thuchhuah siamin an tarlang ziah a ni. October 31 khan NKorea hian khawchhuak tuipuiah tho hian missile pahnih an lo kapchhuak tawh bawk. Kumin chhungin missile hi ṭum 13 vel zet an enchhin tawh a ni.