Nawaz Sharif-a'n ziaawm lam pan hlei thei lo

Pakistan prime minister hlui Nawaz Sharif fapa, Hussain Nawaz chuan vawi tak tak damdawiin an pan pui tawh hnuah pawh, a pa dinhmunin ṭhat lam aiin chhiat lam a pan thu a sawi.

Hussain Nawaz hian a pa tan ṭawngṭai sak turin an ram Pakistan mipuite a ngen bawk. London-a inenkawl tura cham mek Nawaz Sharif hi November 29-a court-in phalna a pek hnuah, London hi a pan a ni. Kar li chhung London-ah a cham phalsak a ni. Sharif hi a tanna Jail aṭangin a hriselna ṭhat tawk loh avangin, damdawiinah October 22 khan dahlut a ni a, kar riat chhung inenkawl tur hian hun pek a ni. 

Pakistan sorkar chuan a zinchhuah theih nan Exit Control List (ECL) aṭangin Sharif hming hi paih a, hemi rual hian intiamna siam a, Pakistan pawisa cheng vaibelchhe 700 hu dahkham turin a phut thung. Hei hi Sharif chuan a hnawl a, Lahore High Court chuan Pakistan sorkar hnenah Sharif hi thu delhkilh engmah awm loa ECL aṭanga a hming paih turin a hriattir.