Covid-19 vanga thi zingah Kum upa lam an tam

Chinese Centre for Disease Control and Prevention (CCDC) chuan Covid-19 chungchangah zirchianna a nei a, he a zirchiannaa a lan dan chuan kum upa lam, kum 80 chunglamah he hri vanga thi hi an tam thu tarlan a ni. He hri vanga thi zinga 14.8% chu kum 80 chunglam a nih thu CCDC chuan a sawi. 

Kum 9 hnuailamah he hri leng vanga thi an awm loh thu CCDC chuan a tarlang bawk a, kum 10-39 inkar thite hi zaa 0.2% a ni thung. Kum 40, 50, 60 leh 70 inkara thi zat hi za zela 0.4%, 0.4%, 3.6% leh 8% an nih thu CCDC chuan a tarlang bawk. 

Hmeichhia thi zat hi mipa aiin an tlem a, 1.7% a ni. Mipa thi zat hi 2.8% a ni thung. CCDC hian Covid-19 a zirchianna hi nikum aṭanga kumin February 11 inkara thil thleng aṭangin a ni a, he hri kaite hi ṭhuang thumah a ṭhen hrang a, hri kai zinga 80.9%-te chu an natna dam leh nghal mai thei dinhmunah an ding a, 13.8% chu hlauhthawnawm an ni a, 4.7%-te erawh dam leh thi inkara awm te an ni thung. '

Covid-19 hri vang hian nimin thleng kha chuan mi 1,868 an thi tawh a, mi 72,436-in he hri hi an kai tawh tih China Health official chuan a tarlang.