Syria leh Iraq-in ramria sumdawnna hmun hawng

Syria leh Iraq inrinaa awm, ram pahnih tana ramria sumdawnna hmun pawimawh tak  Bukamal-Qaim border crossing chu Thawhṭanni khan hawn a ni.

Bukamal-Qaim border crossing hi kum 2014-a Islamic State (IS) firfiakten thunun a, an khar hnu khan hawn a la ni leh lo a, Thawhṭanni khan an hawng leh chauh a ni. Helai hmun hian Syria eastern province-a Al-Bukamal leh Iraq Al-Qaim District-a Husaybah khawpuite a pawh a, ramri kana sumdawnna hmun pawimawh tak a ni.

Iraq leh Syria-in sumdawnna an kalpuina hmun lian pathum zinga tel phak niin, Middle east-a supply route lian ber zingah a tel nia sawi a ni bawk. 2017 khan Iraqi force-te chuan IS kut aṭang hian Al-Qaim area an chhuhsak a, Syrian sipaite chuan al-Bukamal an laksak ve bawk. Thla hmasa khan helai hmun hi hawng turin ruahmanna an siam tawh a, mahse inbuatsaihna a ṭhat loh avangin an tikhawtlai leh, nimin khan an hawng thei ta chauh a ni.