Houthi helten an mi man chhuah hnem

Yemen-a Houthi helte chuan UN peace initiative kalpui angin Thawhṭanni khan an mi man 290 zet chu an chhuah tih  International Committee of the Red Cross (ICRC) chuan a sawi.

Tang chhuah zinga 42 hi chu Saudi kaihhruai ṭangrual pawl leh Yemen sorkar ṭangkawpin thlawhtheihna hmanga jail an beih a, mi 100 zet an thih ṭuma damchhuak an man zuite an ni. Yemen-a UN Special envoy chuan Houthi hmalakna chu pawl lehlam ve ve tan pawha hun lo la awm tura remna leh muanna thlentu tur a nih a beisei tih a sawi.

Nikum Dec-a Sweden khawpui Stockholm-a UN-in remna a awm theihna tura a hmalakna hnuaia pawl pahnihin inremna an ziah bawhzuina atan an mi mante hi Houthi hian an chhuah ta a ni. Houthi committee for prisoner-of-war affairs, Abdul Qader al-Murtada chuan mi 350 an chhuah dawn tih sawiin, an mi chhuah tur zingah hian Saudi mi pawh pathum an tel dawn tih a sawi. Hemi hnu lawk hian ICRC chuan thuchhuah hi siam zuiin mi 290 chhuah an nih thu hi a tarlang a ni.