North Korea-in Missile a kap chhuak leh

Democratic People's Republic of Korea (DPRK) chuan nimin khan an ram khawchhak lamah missile a kah chhuah thu Yonhap news agency chuan a tarlang. 

North Korea khawchhak lam, Gangwon province-a Wonsan hmun aṭangin projectile hi kahchuah a nih thu, South Korea Joint Chiefs of Staff (JCS) chuan a sawi. Projectile hi eng missile/rocket nge tih leh, a thlawh thui zawng hriatchian ni lo mah se "Pukkuksong models" a an thu a sawi.

Japan chuan Nkorea-in projectile an kahchhuah hi an 'exclusive economic zone' huamchhungah a tlak thu an tarlang a, mahse thil engmah chhia a awm loh thu an sawi. Japan Prime minister Shinzo Abe chuan NKorea thiltih chu UN Security Council resolution palzutna a ni a, an dem takzet tih a sawi. NKorea hian missile hi tuihnuai lawng aṭanga a kahchhuah rin a nih thu tarlan a ni bawk.

UN Security Council resolution chuan NKorea hi ballistic missile a enchhin leh kahchhuah a khap a ni. Kum 2016 August thla khan NKorea hian Pukkuksong-1, KN-11 tia hriat pawh chu hlawhtling takin a lo enchhin tawh a, km 500 vela thui a thlawk a ni.