Palestinian inthlan neih dan tur ngaihtuahin meeting nei

Palestinian president Mahmoud Abbas chuan Thawhlehni khan Palestinian inthlan neih tur atana in­buatsaih dan turte sawiho turin Fatah party central commi­ttee chu meeting a neihpui. 

Palestinian president neih hnuhnung ber chu kum 2005 daih tawhah khan a ni a, parliament inthlan neih hnuhnung ber pawh kum 2006-ah a ni. He inthlanah hian Palestinian Authority parliament, Palestinian Legis­lative Council-ah Islamic Ha­mas movement chu an chak a ni. 

Inthlan buatsaih mu­mal thei loa an awm chung­changah Palestinian pawl pahnih, Hamas leh Fatah-te chu an inpuh tawn a ni. Hetihlai hian Palestinian mi tam tak chuan kum 1967 aṭanga Israel-in a luahsak, East Jerusalem-ah chuan Israel hian inthlan neih tur hi a dan an hlauhthawng hle. 

East Jerusalem hi Pales­tinian ram hran a din huna an khawpui atan an hman tum a ni a, mahse Israel chuan Jerusalem hmasang aṭang tawha Israel khawpui, ṭhendarh theih loh a ni tih a sawi thung.