Mali inbeihna thlengah mi 25 thi

Mali sorkar chuan Thawhṭannia firfiakte beih an tawhnaah khan an sipai 25 an thih bakah midang 60 chu chin hriat lohin an awm tih an sawi. Thawhṭanni khan Mali-a Boulkessy leh Mondoro-a army outpost-te chu firfiakte hian an bei a ni.

Sorkar chuan an sipaite chuan firfiak 15 an kap hlum ve tih sawiin, an ralthuam erawh an hloh nual tih an sawi bawk. Beih an tawhna hmunah hian Burkina Faso leh French force ṭangkawpte chuan beihpui an thlak chhunzawm a ni.

Mali hian 2012-a Islamist firfiakten an ram hmar lam an thununa France-in a sipaite a tirhluh aṭang khan jihadist-te aṭangin beih an tawk fo a, tualchhunga hnam hrangte inkarah buaina a chhuak fo bawk.