Iran court-in ‘US spy’ thi turin a chungthu rel

Iran judiciary chuan mi pathum, US spy nia rinhlelhte chu US Spy ni ngeia an pawm thu leh pakhat chu thi tura a chungthu rel a nih thu an sawi a, UK Spy nia pawm mi pakhat a awm tih an sawi bawk.

Thupuangtu Gholamhossein Esmaili chuan mi pahnih- Ali Nafariyeh leh Mohammadali Babapour-te chu CIA tana a ruka an thawh avangin kum 10 tang turin an hrem tih a sawi. British Intelligence nia an puh Amin Nasab pawh kum 10 tang tura tih a nih thu a sawi bawk a ni.

Esmaili hian thi tura a chungthu rel chu tunge a nih a sawi lang lo thung. Kumin kumtir khan Iran hian mi 17 manin CIA tana spy-ah a puh a, heng zinga mi hi a nih ngei rin a ni. Thawhlehni khan British-Iranian anthropologist Kameel Ahmady chu Iran thuneituten an man tih a sawi bawk.