Turkey-in Pakistan indo lawng tur siamsak

Turkey chuan kum 2018-a inremna an lo siam tawh angin Pakistan navy hman tur indo lawng siam hna a thawk ṭan. 

Turkey president Recep Tayyip Erdogan indo lawng, MILGEM siam hian bul ṭan niah he thu hi a puang a ni. He lawng an siamsak hi Pakistan pawhin a chhawr ṭangkai ngei a beisei thu a sawi. Indo lawng pahnih hi Turkey-ah siam niin, a dang pahnih chu technology transfer hmangin Pakistan-ah siam an ni thung ang. 

MILGEM lawng hi meter 99-a sei niin ton 24,000 phur thei tur a ni a, tui mel 29-a chaka kal thei a ni. Kum 2018, July thla khan Pakistan Navy chuan Turkey aṭanga MILGEM-class lawng pali leina tur hian contract an lo ziak tawh a ni.