Israel beihpui thlakah Syria chhungkua an thi

Israel chuan nimin zingkarah khan missile hmangin Syria central province Hama an bei a, chhungkaw pakhat mi pali awmna chu an thi niin state news agency Syrian Aram News Agence (SANA) chuan an tarlang. Mitthi hi nu, pa leh an fate pahnih an nih thu SANA chuan tarlangin hliam dang pali an awm bawk a, chhungkaw pathum chenna in a chhia tih an tarlang bawk a ni.

Israel hian Indo thlawhtheihna hmangin Lebenon-a Tripoli khawpui chung aṭangin missile hi an kap chhuak a, missile eng emaw zat chu Syria air defence-in a lo kap thla niin an tarlang bawk. Israel hian Syria hi missile hmang hian a bei fo a, tun thla chhung ringawt pawhin Syrian  sipai 57 vel chu missile hmanga an beihnaah hian an thi tawh niin  Syrian Observatory for Human Rights war monitor chuan an sawi.

Nikum chhung khan Israel hian Syrian sipai hmun hi vawi 39 an bei nia tarlan niin, mi 217 an thi a ni.