Germany-in Naza-era law la awmte tihbo tum

Germany sorkar chuan Nazi hunlaia dan siam eng emaw zat la awm chu tihbo vek a tum. 

Germany hian Nazi hunlaia dan lo siam tawh eng emaw zat chu a lo siamṭha tawh a ni. Mahse Indopui II-na zawh  hnu kum 75-ah pawh Nazi  hunlaia dan siam 29 zet hi lehkhaah dah tel a la awm. Hengte hi tihbo an nih vekna turin hma lak an tum. 

Interior minister Horst Seehofer chuan September thlaa an term a tawp hmain heng dan la awmte hi tihbo emaw siamṭhat emaw vek a duh a, hei hi Parliament lower house-a party dang eng emaw zatin an thlawp a ni. Mahse a siamṭhat dan turah a vaia a ruala siamna tur dan pakhat siam a ni dawn nge, a mal te tein dan lo siam tawhte hi ennaw an ni dawn tih erawh an la sawi thei lo.