Libyan navy-te'n kumin chhungin pem 7,000 chuang chhanchhuak

Libyan Navy-te chuan Nilaini khan kumin chhungin dan loa ramdanga luh tum mi 7,036-te an chhanchhuah thu an sawi a. Nikum January aṭang September thleng khan mi 12,365 an chhanchhuah thu tarlan a ni bawk.

Navy information office chuan thla hmasa khan dan loa ramdanga luh tum mi 11 inhliamte an bawihsawm thu an tarlang a, nikum kha chuan mi 88 an bawihsawm thu an tarlang. Kum 2011-a Libya prime minister hlui Muammar Al Gathafi thah a nih hnu khan, buaina nasa zawk leh politics lama harsatna Libya-ah hian a thleng nasa leh zual a ni. An ram tualchhung buaina vangin Libya chhuahsan hian Mediterranean tuipui kanin Europe lam pana tlanchhia an tam hle a, mi tam tak chu tuiah an tlahlum hial a ni. 

UN Higher Commissioner for Refugees leh International Organization for Migration-te chuan Libya-a immigration reception center chu mipuite him zawk nan hawng rih lo turin an ngen a ni. UNHCR chuan Libya tuipui kam chu lawng hmanga inthiarchhuah nan chuan a him lo hle tih an tarlang bawk.