US-in intercontinental ballistic missile enchhin

North Korea-in missile a enchhin hnu lawkah US pawhin unarmed Minuteman III intercontinental ballistic missile chu California aṭanga kapchhuakin, Pacific tuipuiah test a nih thu US Air Force chuan a sawi.

Missile hi an ram huna Nilaini zinglam dar 1:13 a kahchhuah niin, California hmarthlang lama awm Vandenberg Air Force Base hmun aṭangin an kapchhuak a, Pacific tuipuia Marshall Islands-a Kwajalein Atoll hmun thleng kah a ni. Missile hian mel 4,200 a thui a kap thei.

South Korean offical-te chuan Nilaini khan NKorea chuan an ram  khawchhak lam, Gangwon province-a Wonsan hmun aṭangin ballistic missile a kapchhuak tih an sawi US Air Force-te chuan California-a missile an enchhin hi midangte tih hlauhthawnna a nih loh thu an sawi a, an missile test Minuteman III hi kum 50 dawn a nih avangin, a la ṭhain a la hman tlak tawk em, tih an enchhin mai niin an sawi.