Iran-in oil market leh politics kaikawp lo turin ti
Iran petroleum minister Bijan Namdar Zanganeh chuan United States chuan oil market chu politics-a hamṭhatna hmuhna tura hmang lo turin a ti niin, Financial Tribune daily chuan nimin khan a tarlang.
Bijan Namdar Zanganeh hian Nilaini khan Russia khawpui Moscow a tlawhnaah he thu hi a sawi a, energy industry chu politics tel lo a ni tur a ni, a ti. Thil ṭul lo leh ṭangkai lo, Washington thuneihna ang chite an inrawlh lohna tura ven a ngaih thu a sawi.
"Iran nawr a nih ṭhin dan chu Iran leh a chhehvel bakah khawvela boruak muanawm siam dan tur a ni lo," tin a sawi. US-in politics hmanga energy pressure a pek chuan energy supply himna tur a tiderthawng tih a sawi bawk. US-in Iran oil sector a hrekna chu US president Donald Trump-a'n Iran laka economy kaihhnawha firfiak a chetna entirna a ni, a ti.