Stockholm-ah NKorea leh US inbe dawn

Sweden khawpui Stock­holm-a Pyongyang nuclear programme neih turah United States leh North Korea-te chuan nuclear ralthuam chungchangah inbiakna an nei thei dawn.

Kumin June 30 khan US president Trump leh NKorea leader Kim te chuan Demilitarized Zone (DMZ) chungchangah meeting an lo nei tawh a, hemi hnua mumal taka US leh NKorea inbiak leh hmasak berna tur a ni. US Special Represen­tative for North Korea Stephen Biegun chuan American palaite hi a kaihruai dawn a, North Korea palaite hi Viet­nam-a a ambassador hlui Kim Myong Gil chuan a kaihruai thung ang. 

Nilainia North Korea-in ballis­tic missile an enchhin leh vang hian, Pyongyang nuclear ralthuam ṭhang zel tur vennan US hian NKorea hi a biak vat a ngai a ni. Nikum khan US pre­sident Donald Trump leh North Korea hotupa Kim Jong-Un-te chuan Korean peninsula-ah nuclear ralthuam tihtlem a nih theih nana thawhdunna kalpui turin inremna an lo nei tawh a, mahse North Korea lam chuan kumin February thlaa Hanoi Summit vawihnih neihnaah khan US hi a thurualpui chhunzawm thei ta lo a ni.