Paris-a inbeihna thlengah police officer pali thi

France khawpui, Paris-a police  headquarters-ah an ram huna Ningani chhun dar 12 vel khan mi pakhat chu chem kenga lutin police te a bei a, police officer pali an thi a, midang pangain hliam an tuar bawk. 

Pawikhawihtu hi intellingence unit-a administrator worker a ni. Headquarters-ah hian kum 20 zet thawk tawhin, a hmain a nungchangah sawiselna tur a awm lo a, hnathawktu entawn tlak tak nia sawi ṭhin a ni. A pawikhawih chhan hi hriat chian a la ni lo a, hnathawktu dangte nena an intih thiam loh vang a ni maithei nia sawi a ni. 

Paris Mayor Anne Hidalgo chuan police headquarters-a pawikhawihna thleng leh, thihna hial a thleng chu a pawi a tih thu a sawi. President Emmanual Marcorn pawhin he pawikhawihna thlen hnu lawkah Paris police headquarters hi a tlawh nghal a, Turkey a zin tum pawh a ṭhulh phah a ni.