Kar khat chhunga Brexit chingfel turin Britain PM hrilh

Finland prime minister Antti Rinne chuan kar kal ta Inrinni-a Britain prime minister Boris Johnson nena phone-a an inbiaknaah, European Union aṭanga Britain inlakchhuahna tur, Brexit buaina chu kar khat chhunga chinfel dan ngaihtuah turin a hrilh. 

Finland sorkar thuchhuah chuan, prime minister pahnihte hian Brexit chungchanga UK leh Europrean Union-ten inbiakna an neih mek dante an sawidun tih a tarlang. EU aṭanga UK inlakchhuah dan turah hian tun thlengin inremna, Withdrawal Agree­ment an la siam thei lo. Mahse Britain PM chuan October thla chhunga inremna an siam thei lo a nih pawhin, eng kawng pawha EU an chhuahsan tho tur thu a sawi a ni.