Tanzania : Inkhawmnaa innekbuainaah mi 20 thi

Tanzania hmarlam, Moshi khuaa Inrinni zana inkhawm buatsaiha telte innekbuainaah mi 20 an thi a, mi dang 16 in hliam an tuar. 

Mount Kilimanjaro bul, Moshi khuaa stadium-ah inkhawm hi buatsaih a ni a, pastor Boniface Wmamposa chuan tihdam rawngbawlna a nei a ni. Inkhawma kalte hian malsawmna an chan theih nan pastor-in hriak a thih duhin an pankhawm a, mipui an tam avang leh an awmna hmun hi a en ṭhat tawk loh avangin an innekbuai zui ta niin Moshi district commissioner Kippi Warioba chuan a sawi. Thi zinga panga chu naupang an nih thu a sawi bawk.