Lebanon aṭangin Syrian raltlan 1,000 haw

Lebanon-a Syrian raltlan 1,000 zet chu nimin khan an ramah an let leh niin an ram National News Agency chuan a tarlang.

Lebanese General Security-te puihnain Syrian mi Lebanon khawpui hrang hrang- Beirut, Zahle, Sidon leh Tripoli-a chengte chu bus hmangin an ram lamah hruaikir an ni. Syrian raltlan hawte hi UN High Commi­ssioner for Refugees (UNHCR) aiawh, UN Refugee Agency chuan a enpui bawk.

Lebanese thuneitute chuan kumin March 19 aṭanga an ram aṭanga Syria rama  kir leh chu 1,72,046 an tling tawh tih an sawi. Lebanon-a UNHCR-ah hian Syrian raltlan inziak lut mi maktaduai khat chuang an awm a, Lebanon sorkar erawh chuan maktaduai 1.5 an tling niin an sawi thung.

Syrian raltlan an tam avang hian Lebanon economy pawhin a tuar hle a, ramdangte ṭanpuina pawh a lo dil hial tawh a ni.