Saudi Arabia hmeichhiate'n Sipai rank sang chelh thei dawn

Saudi Arabia chuan Nilaini khan an ram hmeichhiate chuan sipai rank dinhmun sang an chelh ve theih tawh dawn thu a puang.

He hmalakna hi hmei­chhiate dinhmun chawikan a nih theih nana tih a ni a, Saudi Arabia hi hmeichhiate dinhmun chepna ber ramte zing a mi ni mah se, zawi zawiin hmeichhe dinhmun hi chawikan zel a ni.

Nikum khan Saudi Arabia hmeichhiate hi security force-ah an ṭan ve phalsak an lo ni tawh bawk a, an ram hmeichhiate dikna leh chanvo humhalh sak an nih zel theih nan kawng hrang hrangin Crown Prince Mohammed bin Salman chuan hma a la mek bawk. 

Saudi chuan an ram hmeichhiate hnenah hian, mipa hnen aṭanga remtihna lak kher loh pawha zin phalna an lo pe tawh bawk a ni. Heng bakah hian Saudi Arabia hi khawvela hmeichhe motor khalh khaptu ram awmchhun a ni a, mahse nikum khan King Salman chuan hmeichhiate motor khalh phalsakna tur thupek a tichhuak.