Iran oil tanker beih a ni

National Iranian Oil Company ta Iranian oil tanker "Sinopa" chu nimin khan, Red Sea tui­pui hnaiha Saudi Arabian khawpui pakhat, Jeddah bul hnaiah rocket pahnih hmanga beih a nih thu Iranian Press TV chuan a tarlang.

He Iranian oil tanker "Sinopa" beih a nih vang hian, oil man pawh 2%-in a sang chho nghal a ni. Oil tanker-a hnathawkte hi an vaia an him thu Iran Nour news agency chuan a tarlang bawk.

National Iranian Tanker Company (NITC) chuan Oil tanker hi hmun hnihah a puak tih sawiin, Jeddah aṭanga km 100-a hlaah a puak nia sawi a ni. Oil tanker beitu hi hriatchian a la ni lo a, firfiakte tih nia rin a ni.