Pakistan Prime Minister hlui man
Pakistan Prime Minister hlui man Al-Aziza Steel Mills case vanga Kot Lakhpat Jail-a tang mek, Pakistan prime minister hlui Nawaz Sharif chu nimin khan, National Accountability Bureau (NAB)-te chuan Chaudhry Sugar Mills case vangin an man.
Nimin khan Sharif hi atanna Kot Lakhpat Jail aṭang NAB-te chuan lachhuakin, accountability court-ah judge hmaah a thubuai hi ngaihtuah a ni a, Sharif-a lawyer chuan Chaudhry Sugar Mills-ah hian a inhnamhnawih loh thu sawi mah se, court chuan ni 15 chhung jail-ah la khung leh rih turin a hriattir.
Sharif leh a chhungte hi Chaudhry Sugar Mills chu sum an hmuhna tura dik lo taka hmanga puh an ni. Sharif-a fanu Maryam leh a laina Yousuf Abbas pawh he case a inhnamhnawiha puh an ni bawk. Maryam hi he sugar mills-ah hian maktaduai 12 chuang share neia puh niin, August thla khan man a ni. Sharif hi Al-Azizia Steel Mills corruption case vangin Kot Lakhpat Jail-ah kum 7 tang tura thiam loh chantir tawh a ni.