Myanmar-in zinchhuah tum vangin Rohingya te man

Myanmar-a Rohingya Muslim 30, Rakhine state aṭanga Yangon khawpuia zin tumte chu police-ten an man niin Human Rights Watch chuan a sawi. An man zingah hian naupang te pawh an awm. 

Rohingya man 30 zinga puitling 21 te chu kum hnih tang turin hrem an ni tih a sawi bawk. Man an nih hian an chungthu hi ngaihtuah sak nghal an ni a, lawyer pawh pek an ni lo a, identity card lem hmanga puhna thubuaiah thiam loh chantir a ni, a ti. 

Man zingah hian naupang pakua an tel a, an zinga pakhat kum nga mi tih loh midang pariatte pawh Yangon-a training school-ah dah nghal an ni bawk. Rohingya Muslim-te hian Rakhine state chhuahsan an tum vangin man an lo tawk fo tawh a ni.