Colombia-ah candidate pasarih thah an ni tawh

Colombia ram inthlan, October 27-a neih tura atana inbuatsaih mekah tharum thawhna leh buaina a chhuak fo a, candidate zinga pasarih chu thah an ni tawh a, candidate 60 chuangin beih an tawk tawh bawk.

Provincial govenrnor, mayor leh provincial legislature bakah local council inthlan hi a ruala neih a ni dawn a, candidate pawh 117,000 vel an awm a ni. Hetihlai hian candidate te hian vau leh beih an tawk fo a,  hei vang hian president Ivan Duque pawhin candidate-te venhimna ṭha zawk pek an nih tur thu a lo sawi tawh a ni. 

National Protection Unit (UNP) chuan candidate 2,000 chuang hnen aṭangin venhimna pe tura ngenna an dawng tawh tih a sawi a, hetihlai hian candidate eng emaw zat chuan pawl hrang hrang hnen aṭanga  vauna an tawh avangin an tlanchhe tawh nia sawi a ni bawk.