Trump impeachment neih hun tur sawn hla

US president chhuak ta, impeach mek Donald Trump-a impeachment trial chu thla leha neih turin sawn hlat a ni a, Senate-a Democrats leh Republican-te chuan thla leha trial nei tur hian thutlukna an siam.

House of Representatives Democrats-te chuan vawiin hian Senate-ah 'helna' chawk chhuaka an puhna an thawn ang. Mahse February 8 hma chuan hemi chungchang hi sawi chhuah a ni dawn lo. Donald Trump hi Democrats-te chuan US Capitol-a buaina chhuak, mi paruk an thih phahna kha a fuihpawrhna vanga chhuakah an puh a ni.

Trump hian nikum lama Senate-in impeachment trial-a thiam an chantirna aṭanga kum khat a ralna ni chiahah impeachment trial vawi hnihna hi a hmachhawn ang. Donald Trump-a president term hi Nilaini liam ta khan a zo chiah a, Washington a chhuahsan fel tawh a, amah thlaktu Joe Biden chuan a office a luah tawh a ni.