Russia-ah mi 3,000 chuang Police-in an hreng

Russia eptu pawl hruaitu Alexei Navalny tan-ina an khung duh lohna lantirin Inrinni khan mi tam tak an pungkhawm a, buaina a chhuah zui avangin mi 3,000 chuang chu police-in an hreng zui. 

Punkhawmte hi police-te chuan hnawh darh an tum a, an innekbuai zui a ni. Pathian­ni hmasa khan Navalny hi man a ni a, Berlin aṭanga an ram a haw chu Moscow-ah an lo man a ni. Hetihlai hian Russian Foreign Ministry chuan US Embassy chu Moscow-a rally-ah hian inrawlhah puhin an ram buainaa a lo inrawlh chu an duh loh thu an sawi.

Russian Interior Ministry-in thuchhuah an siamah chuan mi 4,000 vel chiah rally-ah hian an tel niin an tarlang a, ram dang media-te'n mi 3,000 chuang police-in an hreng nia an tarlan lai hian TASS Russian News Agency chuan mi 600 vel chiah police-te chuan an hreng niin an tarlang thung.