Typhoon Hagibis-in Japan a nuai

Kumin chhunga thlipui na ber zinga mi Typhoon Hagibis chuan Inrinni khan Japan khawpui Tokyo a nuai a, mi 18-in an thih phah.

Thlipui tleh hian hmar lam panin tui nasa takin a tilian bawk a, mi 13 chu chin hriat lohin an awm mek bawk a ni. Chhanchhuah leh chhawmdawl hna thawk tur hian thuneitute chuan sipai 27,000 an dahlut nghal a, anni bakah hian chhanchhuak hnathawk tur eng emaw zat an tirlut bawk.

Prime minister Shinzo Abe chuan emergency meeting ko nghalin, thli­pui tuarte ṭanpui tur hian an theih­tawp an chhuah tih a sawi a, a ṭul a nih chuan sipai tam zawk dahluh an ni ang, a ti. Thlipui tleh vang hian greater Tokyo area-a chenna in 1,50,000 vel zet chu power leh tui supply nei loin an awm a, rel leh thlawh­theihna service-te pawh tihtawp a ni nghal bawk. 

Thi zinga pakhat, pitar kum 70 mi chu helicopter hmanga chhanchhuah a nihna lamah an thlauh palh avangin a thi niin report chuan a tarlang a, thlipuiin a kentel ruahin thlai chinna hmun pawh a tichhe nasa hle a ni.